2023 жылдың 1 сәуірінен бастап мектеп-гимназияда мектеп ғимаратына өткізу және объектішілік режимдерді «Көкшетау Күзет – сервисі» ЖШС жүзеге асыратын болады. Өткізу және объектішілік режимдер туралы ереже бойынша: 1. Ата-аналар жиналыстарын, мерекелік іс-шараларды өткізу кезінде сынып жетекшілері күзет ұйымына басшының қолымен және білім беру ұйымының мөрімен расталған келушілер тізімін береді. 2. Оқушылардың (тәрбиеленушілердің) ата-аналары (заңды өкілдері) өз балаларын білім беру ұйымы ғимаратының сыртында, аумақта не осы үшін арнайы бөлінген күту орындарында күтеді. 3. Үйірмелер мен сыныптан тыс іс-шаралардың мүшелері білім беру ұйымының басшысының қолымен және білім беру ұйымының мөрімен расталған тізімдерге сәйкес білім беру ұйымдарына кіргізіледі. 4. Білім беру процесіне қатысы жоқ, қызметтік қажеттілігі бойынша не бұқаралық іс-шараларды өткізу кезінде білім беру ұйымына келушілер жеке басын куәландыратын құжатты көрсеткен кезде өткізіледі. 5. Тіркеуден өтуге дайын емес немесе жеке басын куәландыратын құжаты жоқ келушілер білім беру ұйымына жіберілмейді.