№2 Саумалкөл мектеп-гимназиясының бастауыш сыныптар арасында өтіп жатқан онкүндік аясында 16-қаңтар күні 3 «В» сынып мұғалімі Сулейменова Анар Советовна «Тіл- ел қазынасы» атты факультативтік курсынан «Ойна да, ойла!» тақырыбында ашық сабақ өткізді. Сабақ барысында «Вагон құрастыру» ойыны арқылы өлең ұйқастарын жалғастыру тапсырмаларын орындады. «Кір жаю» әдісі арқылы тіл сырларына қатысты сұрақтарға жауап беріп, білімдерін көрсетті. Сонымен қатар «Кім шапшаң?», «Адасқан әріптер» әдістері арқылы әріптерден сөз құрастырып, сөзжұмбақтар шешті. Мақал-мәтелдер жасырылған ребус шешіп, сөздер құрастыру қызықты тапсырмаларын орындап шапшандықтары мен зеректіктерін көрсете білді.